رأيت انه انا وزوجتي كأنه جالسين في مكان جميل تحت شجرة خضراء جميلة والجو كان جميل وفيه ضباب وكذلك زخات مطر خفيفة جلسنا فرشنا الفرشة وكان معانا أكل كثير عبارة عن قطع لحم صغار زي السناك وبرقر وكان المكان يشبة الجلسات مربعات جنب بعض وكان ف المربع الي جنبنا ٢ من أعمام زوجتي واحد منهم معاه زوجتة وعياله بعدين اشوف انه أمام جلستنا سيارة ودباب واحنا جالسين نأكل مرو علينا أولاد معاهم أكل هدية من عندهم واشوف استحينا انا وزوجتي ناخذ منهم بعدين قلت لهم خلاص أجل خذو من عندنا كمان واعطيتهم من قطع اللحم السناك الصغير اخذه الولد الصغير قال احبه والكبير رفض قال مااحبها واعطيته البرقر قال ايوة هذه احبه واخذه وراح شوي ومرو علينا اطفال يشبهون اطفال جاري في الحقيقة بلون البشر معاهم زي الايدام معاه قطع لحم واخذته وادعي لهم واشوف ابوهم مرة فرحان انه أخذنا منهم الأكل واكلنا منه وكان لذيذ مرة شوي مر علينا عامل معاه كيس كبير مليان خضروات وكان عندي ف الجلسة سلة وصار يطلع من كيس الخضروات الي معاه ويرمي ف السلة الين امتلت وقالت زوجتي ليكون بفلوس سمعها العامل قال لا بلاش اصلا المكان مرة مليان خضروات بعدين اشوف عم زوجتي يقول ماشاءالله عندكم خضروات وزوجتي تقول ي عم تعال خذ احنا بنروح الفندوق مانقدر ناكله كله بعدين اشوف ركبت الدباب عشان بروح ادور فندق وأقول لزوجتي الحقني بالسيارة لانه الدباب مكانه صغير قالت ماأعرف أسوق ف الطلوع وانتهى