انا بنت 29 سنه مخطوبه بعد قصه حب معاناه مع اهلي عشان خطوبتي تتم ومفيش حد من أهلي كان موافق علي الخطوبه دي وخلاص فرحنا قرب مع العلم ان كلهم شايفين ان عيشتنا هتكون ضيقه بسبب الايجار وكله محذرني من الإيجار وبيقولي ان الإيجار هيخلي عيشتكم ضنك خطيبي لسه في بدايه حياته ميقدرش يجيب شقه حاليا حلمت اني كنت عايزة اعدي طريق القطر وكنت رايحه اركب القطر ولاقيت ع طريق القطر كلاب لونها ابيض وخوفت اعدي وراجل قالي متعديش غير اما القطر يجي و الكلاب دي هتتحول لناس.. القطر جه والكلاب اتحولت لناس لابسه جلباب ابيض.. وبقي وسطهم ناس نازله من القطر ولابسه لبس عادي.. وانا بعدي لقيت سلم زي سلم المترو كبير آوي و بيطلع علي فوق وكان كله برفيوم وسبائك دهب ومجوهرات وورق كوتشينه وشنط مقفوله وبقيت عماله اشيل منهم والم ع قد ما اقدر ولقيت السلم طلعني علي مول كبير دخلته لقيت بنتين بقولهم شوفولي البرفيوم دا مضروب ولا نوعه ايه قالتلي دا احلي من الأصلي 100 مره واحده منهم قالتلي انتي جبتي الحاجات الحلوة دي منين وبعدين سبتها ومشيت وخدت حاجتي وبعدها زميلي في الشغل بيسألني مالك انتي لاقيتي حاجه قولتله لقيت الي عمر ما حد هيعرف يجبهولي ولا حتي الشغل.. بعدها لقيت ملف بفتحه لقيت عربيه غاليه آوي مكتوبه بأسمي والموضوع واقف ع اني اكتب اسمي تحتها عشان تكون بأسمي